Facebook-f Twitter Instagram Youtube

Housing program ng administrasyong Marcos, popondohan ng Pag-IBIG fund

Picture of Norman Dequia

Norman Dequia

SHARE THE TRUTH

Send your Love Offering

SAVINGS ACCOUNT NAME

DZRV Radio Veritas Foundation, Inc.

  1. Metrobank Savings Account No.: 076-3-076270210
  2. Banco De Oro Savings Account No.: 001-630011876
  3. BPI Savings Account No.: 0213-3251-91
  4. PNB – Savings account No.: 105-910-013-091

 55,518 total views

Tiniyak ng Pag-IBIG Fund ang pakikipagtulungan sa pamahalaan para isulong ang programang pabahay.

Ito ang pahayag ni Department of Human Settlements and Urban Development (DHSUD) Secretary at Pag-IBIG Fund Chairman Jose Rizalino Acuzar kasunod ng pag-apruba ng Pag-IBIG Fund sa 12-bilyong pisong pondo para mahigit siyam na libong pabahay ng National Housing Authority.

Sinabi ni Acuzar na mahalaga ang pagtutulungan ng mga ahensya upang maisakatuparan ang Pambansang Pabahay para sa Pilipino Housing or 4PH Program ng administrasyon ni Pangulong Ferdinand Marcos Jr.

“Pag-IBIG Fund’s approval of a revolving credit line for its fellow key shelter agency, the National Housing Authority, not only shows the government’s united front in addressing the housing backlog but also shows our shared commitment to provide our fellow Filipinos with decent yet affordable shelter in sustainable communities,” bahagi ng mensahe ni Acuzar.

Popondohan nito ang pabahay ng NHA na medium and high-rise condominium na 4, 111 units sa Quezon City, 1, 377 sa Valenzuela City, 944 units sa Zamboanga at 535 units naman sa San Juan.

Tiniyak ng institusyon ang maingat na pagpapahiram ng pondo sa NHA na babayaran sa loob ng tatlong taon habang ang mga Pilpinong kasapi ng Pag-IBIG Fund ay maaring makakuha ng housing units sa pamamagitan ng Housing Loan program ng institusyon.

Sinabi naman ni Pag-IBIG Fund Chief Executive Officer Marilene Acosta na tuloy-tuloy ang suporta sa mga programang pabahay ng pamahalaan sa tulong ng NHA na may iisang hangaring mabigyan ng disenteng tahanan ang bawat Pilipino.

“With the housing projects under the 4PH Program, not only will Pag-IBIG Fund members have the opportunity to own quality homes at lower-than-market prices, they may also purchase these under the most affordable terms through a Pag-IBIG Housing Loan under the 4PH program. We are happy to be able to work with the NHA and provide added funding for their housing projects under the most secure and affordable terms, so that we can advance our common objective of empowering our fellow Filipinos to achieve homeownership,” ani Acosta.

Kamakailan lang ay inaprubahan din ng Pag-IBIG Fund ang 929-milyong pisong credit line para sa the Social Housing Finance Corporation sa pagpapatayo ng mahigit dalawang libong housing units sa in Pampanga, Manila, Misamis Oriental,at Davao.

BMP, nanawagan sa Pasig RTC na bawiin ang suspension sa implementasyon ng 85-pisong wage increase

Roy Mark Gutierrez Thursday, August 6, 2026 2:18 pm

 2,022 total views

Nanawagan ang Bukluran ng Manggagawang Pilipino sa hudikatura na bawiin ang temporary restraining order (TRO) na nagpahinto sa implementasyon ng ₱85 umento sa minimum na sahod sa National Capital Region (NCR).

Sa panayam sa programang Veritas Pilipinas, sinabi ni BMP chairman Leody de Guzman na malaking dagok sa mga manggagawa ang hindi pagpapatupad ng wage increase na inaasahan sanang magkakabisa noong Hulyo 25, 2026.

Iginiit ni De Guzman na lalo nitong pinabibigat ang kalagayan ng mga manggagawa sa gitna ng patuloy na pagtaas ng presyo ng mga pangunahing bilihin at serbisyo sa merkado.

“‘Yung inaasahan naming dagdag na sahod nung July 25 eh nawala pa, naging bato pa. Makakadagdag sana nga ‘yun doon sa pang-araw-araw na pangangailangan ng ating mga manggagawa sa panahong ito na napakataas ang presyo ng kuryente at gasolina, eh binawi pa. Hinarang pa. Medyo may reklamo pa nga kami diyan dahil napakalayo doon sa cost of living niyan, “ Bahagi ng pahayag ni De Guzman.

Ayon sa labor leader, malayo pa rin ang ₱85 wage increase sa tunay na halaga ng pamumuhay o cost of living ng isang pamilya na tinatayang aabot na sa mahigit ₱1,300 kung saan mas mataas din ang naunang panukalang umentong nais ng mga labor groups.

Pagbabahagi ni De Guzman, bukod sa mas mababang umento na naaprubahan ay mas nakasasama ng loob sa mga manggagawa ang pagharang sa implementasyon nito.

Binigyang diin din ni De Guzman na malinaw na nakasaad sa Labor Code na hindi dapat pakialaman ng korte ang wage orders na inilalabas ng Regional Tripartite Wages and Productivity Boards.

“Ang higit na nakakasama ng loob, hinarang. Kaya masamang-masama ‘yung loob ng mga manggagawa, at nagdududa kami na malamang dahil sa kagustuhang mapagbigyan ‘yung management, eh hinarang. Nalimutan na mayroong batas, o mayroong Labor Code provision, na ‘yung sinumang korte ay hindi pwedeng makialam sa wage increases na ibinibigay ng wage board.” Ayon pa kay De Guzman.

Binatikos din ng BMP ang umano’y mabilis na pag-aksyon sa petisyon ng dalawang pribadong kumpanya na humiling ng TRO, samantalang matagal na ipinaglaban ng mga manggagawa ang nasabing umento.

Naniniwala rin ang labor leader na kung maipatutupad ang wage increase, hindi lamang mga manggagawa ang makikinabang kundi maging ang ekonomiya dahil gagamitin din ang karagdagang kita sa pagbili ng mga produkto at serbisyo.

“Hindi nila maisip na ‘yun naman ay ibibili ng produkto ng mga manggagawa nung mga bagay na hindi nila nabili nung mababa pa ang sahod nila. Kaya babalik din, at sisigla ang ekonomiya kung gano’n ang mangyayari.” Paliwanag ni De Guzman.

Nilinaw din ni De Guzman na hindi lahat ng manggagawa ay makikinabang sa wage hike dahil maraming micro, small and medium enterprises (MSMEs) ang maaaring maging exempted sa pagpapatupad nito alinsunod sa umiiral na mga patakaran.

Nasa Senate impeachment court na ang hurisdiksyon sa impeachment ni VP Duterte

Marian Pulgo Thursday, August 6, 2026 1:58 pm

 2,487 total views

Iginiit ng House prosecution panel sa Senate Impeachment Court na dapat dinggin at pagpasyahan ang impeachment case laban kay Vice President Sara Duterte matapos isantabi ng Korte Suprema ang mga petisyong kumukuwestiyon sa naging proseso ng Kamara.

Ayon kay House lead prosecutor at Batangas Rep. Gerville Luistro, naging ‘moot’ o wala nang praktikal na saysay ang mga petisyon dahil naaprubahan na ng Kamara ang Articles of Impeachment at naipadala na ang mga ito sa Senado para sa paglilitis.

Sinabi ni Luistro na kabilang sa mga usaping inihain sa Korte Suprema ang sinasabing ‘mini-trial,” “fishing expedition,” at paglabag ng House Committee on Justice sa proseso ng pagtalakay sa impeachment complaints, gayundin ang one-year constitutional bar at referral ng mga reklamo sa komite.

“Kasama na po diyan itong mga allegations nila on mini-trial, allegations on fishing expedition, allegations on having prejudged the impeachment complaint even before the clarificatory hearing,” paliwanag ni Luistro.

Umaasa rin ang House prosecution na tuluyan nang matatapos ang mga usaping may kaugnayan sa naging proseso sa Kamara upang makapagpatuloy ang paglilitis sa Senado nang nakatuon na sa mga ebidensya at mga akusasyong nakasaad sa Articles of Impeachment.

“I hope that with this decision of the Supreme Court, sana natapos na ’yung mga issues na ibinabato kaugnay ng naging proceeding ng Justice Committee,” ayon kay Luistro.

Nilinaw naman ni private prosecutor at legal spokesperson Atty. Benjamin Tolosa Jr. na ang naging desisyon ng Korte Suprema ay hindi paghatol sa pananagutan o kawalang-sala ng Bise Presidente at hindi rin pagdedesisyon sa merito ng impeachment case.

Ayon kay Tolosa, ang naging pasya ng Korte Suprema ay naglinaw lamang na ang Senate Impeachment Court ang may wastong hurisdiksyon upang dinggin ang kaso at timbangin ang mga ebidensya ng magkabilang panig.

“So what the Supreme Court decision settled is the forum. So what’s clear now is that the proper forum is now the Impeachment Court,” ayon kay Tolosa.

Sa pagpapatuloy ng paglilitis, patuloy na inihaharap ng House prosecution ang mga ebidensya kaugnay ng Article I ng Articles of Impeachment na may kinalaman sa sinasabing maling paggamit, paglustay at iregular na liquidation ng confidential funds ng Office of the Vice President at Department of Education, habang nananatiling itinatanggi ng kampo ni Vice President Duterte ang mga paratang.

Bishop Santos, nagbabala sa matinding panganib ng Pax Silica project

Jerry Maya Figarola Thursday, August 6, 2026 1:54 pm

 2,516 total views

Umapela ng masusing pag-aaral at malalim na pananaliksik si Antipolo Bishop Ruperto Cruz Santos sa planong pagpapatupad o pagpapatayo ng Pax Silica sa Pilipinas.

Ito ay sa kanyang Diocesan Pastoral statement na “Discerning What Leads to True Peace.” Inihayag ng Obispo na mahalagang maunawaan ng bawat Pilipino ang posibleng epekto ng Pax Sillica sa bansa, partikular sa mamamayan, kalikasan, at pambansang kinabukasan.

Ipinaliwanag ni Bishop Santos na ang Pax Silica ay inisyatibang pinangungunahan ng Estados Unidos upang tiyakin ang pandaigdigang suplay ng semiconductors, artificial intelligence technologies, at iba pang kritikal na mineral.

“My dear faithful, not everything that promises progress brings peace. Not everything that offers development brings dignity. Not everything that shines is good for the soul of a nation. As the Diocese of Antipolo, we stand firm: Pax Silica is not beneficial, not the best, and not a blessing for us. Our mission is to safeguard our people, our land, and our future. Our responsibility is to uphold human dignity above economic gain. Our calling is to choose what leads to true peace—pax—not merely technological power. May the Lord grant us wisdom. May Our Lady of Peace and Good Voyage guide our national journey. May we always choose what is just, humane, and truly Filipino,” ayon sa mensahe ni Bishop Santos.

Ayon sa Obispo, bagama’t inaasahang magtatayo ng 4,000-acre industrial hub sa New Clark City bilang bahagi ng programa, ito ay pangunahing nakabatay sa pandaigdigang kompetisyon sa teknolohiya at seguridad, at hindi sa pangangailangan ng mga lokal na pamayanan.

Nagbabala rin ang Obispo sa mga posibleng idulot ng proyekto kabilang ang pagkasira ng kalikasan, paglilipat ng mga komunidad, pagtaas ng polusyon, at higit na pagkakasangkot ng Pilipinas sa hidwaan ng mga makapangyarihang bansa.

Iginiit ni Bishop Santos na kinakailangang pag-aralan mabuti ang mga pangmatagalang epekto ng Pax Sillica sa pambansang soberanya, kabuhayan ng mamamayan, at pangangalaga sa likas na yaman.

Binigyang-diin ni Bishop Santos na ang tunay na pag-unlad ay hindi lamang nasusukat sa paglago ng ekonomiya o pagpasok ng malalaking pamumuhunan, kundi sa paggalang sa dignidad ng tao, pangangalaga sa kalikasan, at pagsusulong ng tunay na kapayapaan.

“The best path for our nation is one that: protects our environment, strengthens local industries, empowers Filipino workers, and preserves our sovereignty. Pax Silica does not arise from Filipino priorities. It arises from global rivalry. What is “best” must be rooted in our values, our people, and our future—not in the agendas of powerful nations,” bahagi pa ng mensahe ni Bishop Santos.

Hinimok naman ng Obispo ang mga mananampalataya at mamamayan na maging mapanuri at piliin ang mga hakbang na nakaugat sa kabutihang panlahat at tunay na kapakanan ng sambayanang Pilipino.

BE OUR PARTNERS

THIS PORTION IS BROUGHT YOU BY

Learn More

ADVOCATE

Radyo Veritas Advocacy Category by Author

Veritas Editorial

Picture of Rev. Fr. Anton CT Pascual

Rev. Fr. Anton CT Pascual

Karapatan sa disenteng tahanan

Wednesday, August 5, 2026 7:00 am 7:00 am

 49,008 total views

 49,008 total views Mga Kapanalig, karapatan ng bawat tao ang magkaroon ng disenteng tahanan. Para masabing disente, dapat itong sapat, ligtas, may seguridad, at nagbibigay-daan sa

Read More »

Hindi nakatutuwang biro

Tuesday, August 4, 2026 7:00 am 7:00 am

 82,177 total views

 82,177 total views Mga Kapanalig, mabuti pa si Japanese Ambassador to the Philippines na si Endo Kazuya, maraming pagpipiliang bahay dito sa Pilipinas.  Sa isang privilege

Read More »

Sino ang papasan ng system-loss?

Monday, August 3, 2026 7:00 am 7:00 am

 114,197 total views

 114,197 total views Mga Kapanalig, isa sa mga umani ng masigabong palakpakan sa State of the Nation Address (o SONA) ni Pangulong Bongbong Marcos Jr ay

Read More »

KULANG SA SONA NI PBBM

Friday, July 31, 2026 7:00 am 7:00 am

 266,252 total views

 266,252 total views Kapanalig, sa anumang hakbang., planong gagawin., polisiyang ipapatupad.,mga pangakong binitiwan, o mga usapin na sadyang iniiwasan. Lagi itong may kulang. Hindi ibig sabihin,

Read More »

Para sa isang smartphone?

Wednesday, July 29, 2026 7:00 am 7:00 am

 288,625 total views

 288,625 total views Mga Kapanalig, sinong ayaw manalo ng pinakabago at pinakasikat na smartphone? Ganito inakit ng isang sikat na social media influencer ang mahigit 50

Read More »

Watch Live

LISTEN LIVE TO DZRV846 E-RADIO PORTAL

RELATED ARTICLES

Load More
Scroll to Top