Naniniwala ang Kanyang Kabanalan Francisco na ang pagtitipon ng mga religious leaders sa Kazakhstan nitong Setyembre ay hudyat ng pagbubuklod ng mga bansa sa buong daigdig.
Ayon sa Santo Papa ito ay paraan upang ipagpatuloy ang pagsisikap ng simbahan na makamtan ang kapayapaan sa daigdig sa pamamagitan ng dayalogo.
“This gathering (Seventh Congress of Leaders of World and Traditional Religions), together with its Final Declaration, is one more step forward on the path of interreligious dialogue, and continues a journey that began with the historic meeting in Assisi in 1986,” pahayag ni Pope Francis.
Matatandaang isa si Pope Francis sa mga lider na dumalo sa pagtitipon dala ang mensahe ng kapayapaan sa pakikipagpulong sa mga lider ng iba’t ibang religious leader sa buong mundo.
Sinabi ng punong pastol na kabilang na rito ang nilagdaang Document on Human Fraternity sa pagbisita nito sa Abu Dhabi noong 2019 na layong isulong ang pagkakaisa sa lugar na mayorya ay mga Muslim.
Iginiit ni Pope Francis na sa pagsusulong ng kapayapaan ay alalahanin ang mga martir na nagsisikap itaguyod ang pagbubuklod ng pamayanan.
“When speaking of these noble efforts, we must also remember the many martyrs of diverse nationalities and backgrounds who have borne faithful witness in their daily lives to God’s desire for peace and fraternity among his children,” saad ng Santo Papa.
Pinasalamatan ni Pope Francis ang pamahalaan ng Kazakhstan sa pagtanggap at matagumpay na ika – 38 Apostolic Visit kung saan nagkaroon ito ng pagkakataon na magasagawa ng Banal na Misa kasama ang isang porsyentong bilang mga katoliko sa 19 na milyong populasyon ng bansa.
Subscribe to our channel
