990 total reads
Patuloy na nangangailangan ng tulong ang mga Overseas Filipino Workers (OFW) sa Hong Kong.
Ito ang pagbabahagi ni Dolores Balladares-Pelaez, Chairperson ng MIGRANTE – HONG KONG isang buwan matapos maranasan ang COVID-19 surge sa bansa.
Ayon sa MIGRANTE, nanatiling mahirap para sa mga OFW na asikasuhin at makipag-ugnayan sa Consulate General of the Philippines in Hong Kong upang makamit ang 200-USD na financial subsidies mula sa Overseas Workers Welfare Administration (OWWA) at Philippine Overseas Labor Office (POLO).
Sa kasalukuyan, suliranin para sa mga nagpositibong O-F-W ang kakulangan ng sariling isolation facility.
“Pero ang situation nalang dahil hindi naman yan- kung sa Philippines Consulate naman natin, hindi kasi lahat nari-reach out ng ating Philippines consulate, ibig sabihin may issue parin kami noong una yung hotline na may mga complaint parin sa hotline na pagbalik sa amin hindi sila maka-contact parin sa consulate,” ayon sa panayam ng Radio Veritas kay Pelaez.
Iniulat ni Pelaez na bahagyang bumuti ang kalagayan ng OFW matapos dagdagan ng Hong Kong government ang mga isolation facilities para sa mga mahahawaang Migrant workers.
Kaakibat nito ang pagpapataw ng multa na aabot sa HKD 100,000 sa mga employers na sapilitang tatanggalin ang kanilang mga Domestics Helpers (DH) sakali mang mahawaan ng COVID-19.
“Gumawa rin sila ng mahigpit na policies, yung mga employer kung magti-terminate ay mapa-fine ng 100-thousand Hong Kong dollars. Tinitiyak din naman nila o ginagawan nila ng paraan na yung worker ay malipat kung mag-positive sa ibang lugar,” pagbabahagi pa ni Pelaez.
